O Aceites Abril Voleyourense sumou un punto na súa visita ao Tenerife Libby’s La Laguna na terceira xornada da Superliga Feminina 2, disputada no CD Montañas de Taco. O encontro finalizou cun 3-2 para as locais, cos parciais de 23-25, 25-14, 25-17, 15-25 e 15-9.
O conxunto ourensán comezou con dificultades, pero reaccionou no primeiro set e remontou para adiantarse no marcador. Nos dous parciais seguintes, o Tenerife impuxo o seu xogo ofensivo e de bloqueo, colocándose por diante. No cuarto set, o Aceites Abril Voleyourense recuperou intensidade e solidez, especialmente na relación bloqueo-defensa, e impúxose con claridade (15-25), levando o partido ao quinto parcial.
OS MELLORES ESTABLECEMENTOS
No tie-break, as visitantes chegaron a situarse 4-5 por diante, pero o equipo local cambiou a dinámica e acabou pechando o encontro por 15-9. A pesar da derrota, o Aceites Abril Voleyourense regresa de Tenerife cun punto e coa valoración positiva da súa capacidade de reacción e do seu carácter competitivo.
