RESPOSTA DE ESPAZO COMÚN AO LAMENTABLE COMUNICADO EMITIDO POLO PSOE DO CARBALLIÑO SOBRE O REPARTO DE MASCARILLAS
Ante o comunicado emitido polo PSOE do Carballiño sobre a nosa
denuncia dun reparto clientelar e sectario de mascarillas, que máis ca unha
explicación é unha lista de insultos de rabia e de xustificacións inauditas,
queremos indicar que :
1. Afirman que é mentira o que dixemos e sen
embargo recoñecen que o señor Dacal andivo a
repartir mascarillas no seu coche particular. En qué mentimos logo?
2. Se como dín, se repartiron mascarillas a maiores
de 80 anos que viven sós, por qué temos coñecemento
(nós e todo O Carballiño) de infinidade de casos de xente nesa situación que non sabía de dito reparto nin, por suposto,
recibiu ningunha?
3. Tívose en conta a situación de moitas persoas
consideradas de risco á hora de establecer o
reparto? Consultouse con algún experto sanitario para decidir a quen priorizar? Evidentemente, non.
4. Se non denuncia a situación Espazo Común, non se
sabería do reparto. Sendo este gobernó coñecido
pola súa tendencia a colocarse no escaparate e vender titulares a díario e se era algo tan normal, por qué se estaba a
facer ás escondidas?
Lamentamos fondamente que a única resposta a unha
actuación feita dende o Concello parta,
sorprendentemente, do partido político que o sustenta e que lonxe de incluir un
propósito de enmenda sexa unha mostra máis da
soberbia e a prepotencia do goberno de Fumega.
As explicacións deberían darllas a toda a xente que
precisa mascarillas e non pode acceder a
elas, namentres Fumega, Dacal, Sotelo e compañía deciden arbitrariamente
quen ten dereito. Eso sí é facer política rastreira
a conta da saúde da veciñanza.
