PROPOSTAS SOBRE A REAPERTURA DE LOCAIS DE HOSTALERÍA NO NOSO CONCELLO
No día de onte foron anunciadas dende o Estado unha serie de disposicións para a progresiva reversión das medidas decretadas durante o estado de alarma vixente.
Entre elas, establécese a previsión de que a partir do 11 de maio se producirá a reapertura das terrazas dos locais de hostalería, pero reducidas a un terzo do seu anterior aforo.
Isto suporía que moitos locais non chegaran a un mínimo de rendibilidade para reabrir, polo que consideramos que se deberían de adoptar, dentro do ámbito das competencias municipais, medidas transitorias para favorecer a reapertura da hostalería do noso concello:
– que se decrete a ampliación das zonas de terraza de que dispón cada local de hostalería, a fin de que poidan ofrecer unha capacidade maior dun terzo do que era o seu aforo anterior
– que este aumento nos metros de terraza non supoña un incremento na taxa municipal por ocupación do espazo público
– que o aumento das zonas de terraza se faga sempre sen interferir na circulación de peóns e vehículos
– esta medida sexa transitoria, volvéndose á normativa anterior en canto rematen as restricións derivadas o estado de alarma
