As bases teñen por obxectivo regular a concesión en réxime de concorrencia competitiva de subvencións a asociacións e institucións culturais do municipio do Carballiño, destinadas á realización de actividades culturais e de animación sociocultural para o ano 2020. Poderán optar as asociacións e institucións culturais legalmente constituídas, sen ánimo de lucro, con domicilio social no Carballiño e inscritas no Rexistro Municipal de Asociacións, polo menos cunha antigüidade mínima de seis meses. O importe total asinado no orzamento municipal ascende a 5.000 euros. A axuda máxima por beneficiario será de 3.000 euros. As axudas serán compatibles con outras para o mesmo fin, sempre que o importe total de todas as subvencións non supere o investimento do 100% previsto para as actividades obxecto da subvención. Os beneficiarios deberán presentar a correspondente solicitude no prazo dun mes, contado a partir do día seguinte ao da publicación deste extracto no BOP tras a comunicación efectuada para o efecto na Base de Datos Nacional de Subvencións.
FOI NOVA EN BADAL
