O concello do Carballiño ven de comunicarlle ao Centro Integrado de Atención Emerxencias (CIAE) 112 de Galicia a redución dos horarios de funcionamento do Grumir, a partir deste sábado.
Así, a día de hoxe, dunha plantilla de once postos de traballo, unicamente están dispoñibles tres efectivos a xornada completa e un efectivo a media xornada, o que fai materialmente imposible prestar dito servizo durante 24 horas os sete días da semana.
O viuse na obriga de adaptar provisionalmente o horario de dito servizo. Dende este sábado soamente estará dispoñible dito servizo de luns a domingo, en quenda de mañá, con horario de 8:00 a 15:00 horas. Fóra desta franxa horaria, os avisos deberán ser desviados a outros corpos de emerxencias da zona, como pode ser o parque de bombeiros do Carballiño.
