As representacións faranse desde o Teatro Afundación de Vigo e as alumnas e alumnos poderán  seguilas en directo desde a aula

Esta semana participan centros escolares de Galicia, Asturias, Madrid, a Rioxa e Murcia

O CEIP Nosa Señora de Xuvencos (Boborás), Virxe da Pena da Sela, de O Irixo, Plurilingüe dos Blancos, Plurilingüe Divina Pastora, CEIP Emilia Pardo Bazán de Leiro Plurilingüe Carlos Cid Arregui, de Rairiz de Veiga e La Purísima, de Ourense, entre os participantes

A Obra Social de ABANCA presenta a partir de mañá novas propostas de teatro para escolares que, tendo en conta a situación excepcional provocada pola pandemia da COVID-19, represéntanse sen público no Teatro Afundación de Vigo e que os alumnos e alumnas poderán seguir en directo desde a aula. Nesta ocasión, Afundación programou as obras Weird Stuff e The Final Game. Ambas, de On Stage Company, represéntanse en inglés, como unha experiencia práctica e divertida para ampliar os coñecementos do idioma. Esta semana anotáronse preto de 2000 escolares de centros educativos de Galicia, Asturias, Madrid, A Rioxa e Murcia. Así, de Ourense participarán o CEIP Nosa Señora de Xuvencos (Boborás), Virxe da Pena da Sela, de O Irixo, Plurilingüe dos Blancos, Plurilingüe Divina Pastora, CEIP Emilia Pardo Bazán de Leiro, Plurilingüe Carlos Cid Arregui, de Rairiz de Veiga e La Purísima, de Ourense.

Todas as actividades chegan aos centros educativos a través dos directos de Afundación TV, previa inscripción aquí. O obxectivo é ofrecer aos docentes un programa con contidos interesantes e adaptables aos diferentes escenarios que se poidan presentar durante este curso.

A programación iníciase mañá martes 2 de febreiro coa representación ás 10.00 h de Weird Stuff, de On Stage Company, dirixida a 1º, 2º, 3º e 4º de ESO. A obra está baseada na exitosa serie de televisión Stranger Things. A seguinte cita será o mércores 3 de febreiro, ás 10.00 h con The Final Game de On Stage Company, dirixida a escolares de 5º e 6º de primaria. A proposta didáctica recrea unha aventura cibernética entre heroes de libro e viláns de videoxogo na que compiten tradición e modernidade: celulosa ou silicio, marcapáxinas ou joysticks.

A programación para este primeiro trimestre de 2021 inclúe, ademais, as obras Los tres osos de  L’estaquirot Teatre; Laberinto, de Zarándula, Nautilus de La Negra, As Fabas Máxicas de Caramuxo teatro e El ritmo de los tiempos 21.0, de Percuseve.

Co convencemento de que agora máis que nunca os nenos e nenas en idade escolar deben contar coa proximidade das artes, a cultura e a formación multidisciplinar como canle para o crecemento persoal e o desenvolvemento social, e, ao mesmo tempo, o corpo docente, con novas ferramentas e apoio para afrontar o cambio de paradigma no labor da docencia derivado da crise sanitaria actual, o equipo da área Educativa de Afundación, a Obra Social de ABANCA, deseñou unha completa e innovadora programación de actividades educativas para el curso 2020-2021, adaptada á nova normalidade xa que incide especialmente na posibilidade de participar nas propostas sen necesidade de saír da aula. A oferta ten como obxectivo reforzar a formación que os estudantes reciben nas aulas, como unha ferramenta que complemente os programas curriculares dos centros escolares e fortaleza dimensións tan imprescindibles como a cultural, social e ética.

Na seguinte ligazón están dispoñibles imaxes de escolares vendo teatro na aula:

https://drive.google.com/drive/folders/11GMddknz0gKo3wQhF-w0gLoIEY8eu0Ja?usp=sharing