O Carballiño afianza a tendencia á baixa, contando hoxe con 77 casos, catro menos ca onte

A comarca baixa hoxe o número total de casos activos de coronavirus ata os 119, unha cifra que baixa notablemente pola evolución de varios concellos.

Nesta vila, hoxe os datos baixan dos 81 ós 77, catro casos menos ca onte. Se nos fixamos nos novos contaxios producidos nos últimos 14 días, a cifra baixa ata os 73, e recordamos que a pasada semana estaba en cifras de máis de 90.

AVANTAR ACTIVIDADES

O seguinte concello da comarca con mais casos é o de Maside, que baixou esta fin de semana dos 18 ós 13 (-5) contaxiados. San Cristovo de Cea baixa dos 14 ós 12 contaxios. E despois Boborás, que baixa ata os 11 casos activos.

Punxín baixa un caso, ata 5 contaxios. San Amaro conta hoxe cun caso activo. Piñor pasou de estar libre de coronavirus a contar cun caso activo, igual ca Irixo, que conta hoxe cun contaxiado. Beariz mantense libre de coronavirus.