A comarca baixa hoxe o número total de casos activos de coronavirus ata os 21, unha cifra que se reduciu esta fin de semana polo descenso de varios concellos.
No Carballiño, hoxe os datos manteñen a mesma cifra de onte, con 11 casos activos. Estas cifras xa supoñen unha estabilidade previa á terceira vaga, a principios de xaneiro.
Boborás é o concello que lle segue con máis casos. Hoxe mantén tamén a mesma cifra de onte, con seis casos activos. San Cristovo de Cea é o seguinte, con dous casos activos, un menos ca na xornada de onte. Maside e Punxín manteñen un caso activo cada un, igual ca esta fin de semana. Beariz, O Irixo, Piñor e San Amaro están libres de coronavirus.
