A situación epidemiolóxica de Galicia mantense estable dende fai varios días, a falla de coñecer o verdadeiro impacto da ponte de Semana Santa e das medidas que se aplicaron durante eses días. A Xunta esperará polo menos unha semana máis para introducir posibles cambios na desescalada, que poderían pasar por ampliar o toque de queda ás 23:00 horas e así ampliar o horario da hostalaría.
Hoxe reúnese o comité clínico, que mañá anunciará os cambios que se producirán nos concellos. Beade, o único en nivel máximo de restricións, podería baixar de nivel ó reducir casos activos e incidencia. O Irixo, ca evolución dos últimos días, podería pasar a nivel máximo de restricións. Cortegada prevese que non cambie de nivel o controlar a situación. O Carballiño e Ribadavia, en nivel medio, poderían manterse na mesma liña ó non ter apenas variacións.
