Baltar destaca “o altruísmo e eficacia” do Banco de Alimentos e reitera o apoio da Deputación

Reunión Manuel Baltar (Presidente da Deputación Ourense) con Gregorio Pérez Calvo (Tesoureiro de FESBAL - Federación Española de Bancos de Alimentos), Gil Gil Sánchez (Directivo do Banco de Alimentos de Salamanca) e Cecilio Santalices Mourille (Presidente Banco de Alimentos de Ourense).

O presidente da Deputación de Ourense, Manuel Baltar, recibiu no Pazo Provincial ao presidente do Banco de Alimentos de Ourense, Cecilio Santalices, e ao tesoureiro da Federación española de Bancos de Alimentos (FESBAL), Gregorio Pérez, a quen agradeceu o traballo que desenvolve esta entidade na provincia, así como o compromiso de continuar coa alianza por parte da Deputación de Ourense, “resaltando o apoio ofrecido pola institución provincial no inicio da pandemia, accións que converteron á Deputación de Ourense na máis social da nosa historia”, expresou Baltar. 

Publicidade

O presidente do goberno provincial salientou: “Seguiremos ofrecéndolle o noso apoio ao Banco de Alimentos en temas loxísticos, axudas económicas ou en calquera cuestión na que a Deputación poida prestar o seu servizo”, remarcando o destacado papel que estas organizacións levan a cabo no ámbito nacional “aínda máis nun momento tan difícil como o actual, onde demostran utilidade, altruísmo e eficacia ao servizo da sociedade”. Manuel Baltar reiterou a cooperación co Banco de Alimentos de Ourense “para que siga desenvolvendo o seu labor onde exista a necesidade en calquera punto do territorio provincial, mantendo viva esa alianza, porque no ADN da Deputación están os servizos a prol da veciñanza”.