Premian á OMIX de Ribadavia polo proxecto “Sementes de Europa”

A Oficina Municipal de Información Xuvenil de Ribadavia, é unha das oficinas xuvenís con máis actividade de Galicia, non só a nivel local, senón tamén a través das súas actividades internacionais a través de diferentes programas de mobilidade xuvenil, tales como o Corpo Europeo de Solidariedade e do programa Erasmus +. En marzo deste ano, o Concello de Ribadavia  a través da súa Oficina Municipal de Información Xuvenil (OMIX RIBADAVIA), participou no “Día da Información Xuvenil” a través do proxecto: SEEDS  OF  EUROPE – SEMENTES DE EUROPA – “SE”.

Por mor desa actividade, participaron  na “Convocatoria de Experiencias locais e autonómica en materia de actividades, programas e proxectos de Mocidade.  REDSIJ –  INJUVE 2021” e  foron seleccionados polo ministerio como  unha dás entidades de  Xuventude a nivel nacional, para formar parte  do: “Catálogo de experiencias locais de mocidade  REDSIJ 2021”, cuxa  finalidade é ser difundida e compartida con  outros centros de información  Xuvenil de España.

AVANTAR ACTIVIDADES

A actividade baseouse en plantar unha árbore o mesmo día no que se celebrou o Día Europeo da Información Xuvenil, nunha horta local e ecolóxica que están a coidar en Ribadavia, grazas á cesión e colaboracións que fixeron veciños da parroquia de Ribadavia (Ourense) en Galicia e á que deron o nome de ” Ribahortiña”. A  actividade simboliza a “Semente de Europa” xa que se plantou polo voluntariado do Corpo Europeo de Solidariedade que colabora no Concello de Ribadavia nas áreas de Mocidade, Cultura e Turismo. O voluntariado pertence a Almería, Eslovenia, Francia e Italia, co cal, a actividade conleva un contido e dimensión europea relevante.