Deputación de Ourense e Eixo Atlántico porán en valor a importancia cultural da Vía Nova

Reunión Manuel Baltar (Presidente da Deputación Ourense) con Alfredo García Rodriguez (Alcaldesa do Concello do Barco de Valdeorras) acompañados de Xoan Vázquez Mao (Secretario Xeral do Eixo Atlántico).

O  presidente da Deputación de Ourense, Manuel Baltar, mantivo hoxe no Pazo Provincial unha xuntanza de traballo co secretario xeral do Eixo Atlántico, Xoán Vázquez Mao, e co presidente da asemblea do Eixo Atlántico e alcalde do Barco, Alfredo García, para impulsar a posta en valor da Vía Nova, “un elemento de comunicación de grande importancia, dada a súa pegada cultura e histórica, que temos que tomar en consideración para darlle a relevancia oportuna”, afirma Manuel Baltar. Neste sentido, xa tivo lugar unha reunión previa con presidente do Eixo Atlántico en Braga e a de hoxe foi a confirmación por parte do presidente da Deputación de Ourense -quen preside tamén o Foro Termal do Eixo Atlántico-, por esa aposta da institución provincial a prol da valorización cultural da Vía Nova”, expresa Baltar. A Vía Nova era unha calzada romana que atravesaba o que hoxe é o territorio provincial de Ourense, construída no século I d.C; unía as cidades de Bracara Augusta (Braga) e Astúrica Augusta (Astorga) ao longo de máis de 300 quilómetros. 

Publicidade