O delegado territorial da Xunta en Ourense Gabriel Alén participa na homenaxe ao exalcalde do Irixo, Manuel Penedo

O delegado territorial da Xunta en Ourense, Gabriel Alén, participou esta mañá na homenaxe ao exalcalde do Irixo, Manuel Penedo, que a actual corporación organizou na Casa do Concello.

Publicidade

No acto estuveron presentes Míguel Santalices Presidente do Parlamento, Lito Nogueira alcalde do Irixo, Patricia Torres alcaldesa de Boborás, así como familiares, amigos e veciños de Manuel Penedo

O Irixo sempre lembrará a Manolo Penedo ao fronte da alcaldía – manifestou  Gabriel Alén- un alcalde que deixou pegadas admirables e indelebles na memoria colectiva dun pobo satisfeito e agradecido. As súas obras quedan para sempre e o respecto e agradecemento dos seus veciños refrendámolo no día de hoxe  co recoñecemento como fillo predilecto de aquelo que máis quería Penedo e ao que dedicou a súa vida ao Concello do Irixo.

O delegado territorial subliñou  que ser alcalde do pobo onde se nace, e selo durante tantos anos, é unha proeza  que fala ás claras da transcendencia dos feitos e do armazón da persoa, fiel e leal ás crenzas e pensamentos que abandeiraba; receptivo e conciliador.

Por iso, -continuou  Gabriel Alén- sirva tamén esta homenaxe  como recoñecemento a todos os alcaldes e alcaldesas que sen lugar a dúbidas, desenvolven un labor político exixente, arriscado e de total dedicación. Pero á vez, trátase do labor máis gratificante, satisfactorio e enriquecedor que calquera persoa pode atopar na vida política.