· O candidato á reelección da presidencia do PP de Ourense felicitou á nova presidenta popular “polo apoio recibido, que sen dúbida algunha avala e lexitima aínda máis se cabe o seu proxecto e o seu equipo para seguir traballando todos os días por Lugo e por Galicia”
O candidato á reelección da presidencia do Partido Popular de Ourense, Manuel Baltar, acudiu hoxe a Outeiro de Rei onde os populares lugueses celebraron o seu 18 Congreso Provincial e no que Elena Candia revalidou a presidencia do partido cun amplo apoio. Unha persoa, dixo Baltar, “que é un dos mellores exemplos de dedicación e compromiso co seu territorio, unhas virtudes que lle converteron novamente en líder do proxecto político que máis se parece a Lugo”
Tralo remate do conclave, o candidato ourensán quixo felicitar á nova presidenta popular “por ter a decisión e a capacidade de afrontar unha reelección máis, pero tamén polo apoio recibido por parte dos compromisarios, o que sen dúbida algunha avala e lexitima aínda máis se cabe o seu proxecto e o seu equipo para seguir traballando todos os días por Lugo e por Galicia”.
Manuel Baltar engadiu que “non é un labor doado, pero ten ao seu favor un amplísimo coñecemento da súa súa provincia e por suposto do seu partido, o que lle permite contar cunha magnífica plataforma para conseguir os retos que demanda a veciñanza luguesa”.
