Este ano, como en anos anteriores, compráronse tres tipos de vacinas, que suman 885.800 doses, 20.500 máis que na campaña do ano anterior. O gran obxectivo é evitar complicacións en persoas vulnerables que poidan levar a hospitalización.
A próxima semana o Servizo Galego de Saúde comezará con persoas de 65 ou máis anos. A partir do 15 de novembro, o rango de 60 a 65 anos, mulleres embarazadas ou servizos esenciais. E a partir do 29 de novembro, o resto da poboación obxectivo. Iranse incorporando grupos para unha vacina simultánea de colectivos diferentes.
En canto á simultaneidade coa dose de reforzo contra o covid-19, o conselleiro Julio Comesaña, detallou que de forma “xeral” será así nos maiores de 80 anos, pero nas outras bandas non irá “xuntos” debido á necesidade de seis meses desde a administración da segunda dose.
