A comarca do Carballiño mantén hoxe 29 (+10) contaxiados. A capitalidade da comarca, o concello do Carballiño, sobe sete contaxios, ata os 19 casos activos. Boborás conta cun so contaxio, igual ca San Amaro. Maside sobe un caso, ata os seis contaxios.
No Ribeiro, Ribadavia sobre tres casos ata os 7 casos activos, Arnoia presenta 6 casos e Carballeda de Avia presenta catro casos activos. Avión, Beade, Castrelo de Miño e Melón contan cun caso activo cada un.
A comunidade galega rexistra hoxe 262 contaxios, un ritmo de novos positivos que se mantén estable. O número de casos activos de coronavirus en Galicia a día de hoxe é de 2.696, máis de 700 casos novos esta fin de semana. A ocupación das camas dos hospitais presenta un equilibrio. Do total de pacientes positivos en Galicia, 14 (+2) están en UCI e 62 (+15) en unidades de hospitalización.
A Área Sanitaria de Ourense, Verín e O Barco de Valdeorras hoxe rexistra 56 contaxios novos, e restando as altas, os casos totais chegan ata os 693 casos activos, 281 máis nesta fin de semana. Os hospitais hoxe presentan 12 (+2) persoas hospitalizadas en planta nos tres hospitais da provincia; e 1 (=) na UCI.
