ABANCA e Afundación asinan un convenio co Concello de Barbadás para amosar «Fillos do océano»

II EDICIÓN COCHES CLÁSICOS NO IRIXO

O acto de rúbrica terá lugar mañá, xoves 25 de novembro, ás 10.00 h, no Concello de Barbadás

XUNTANZA DE CLÁSICOS NO IRIXO

Esta exposición enmárcase no proxecto «Corrente cultural» que propicia a colaboración entre o Concello de Barbadás, ABANCA e Afundación

O Concello de Barbadás (rúa Cimadevila, 1 – A Valenzá, Barbadás) acollerá mañá, xoves 25 de novembro, ás 10.00 h, a sinatura do convenio para a realización da exposición «Fillos do océano», un proxecto fotográfico de Javier Teniente. Esta iniciativa é posible grazas á colaboración entre o Concello de Barbadás, ABANCA e Afundación. No acto de rúbrica estarán Xosé Carlos Valcárcel Doval, alcalde de Barbadás; Mateo Alonso San Román, coordinador institucional de ABANCA en Ourense; e Beatriz Fernández-Anguiano, coordinadora institucional de Afundación en Ourense e Lugo.

As comunidades de pescadores artesanais de todo o mundo, así como as mulleres e homes que viven por e para o mar, son as protagonistas deste proxecto que reúne imaxes únicas de Galicia ou Andalucía e de outros países como Senegal, Nicaragua, India, Sri Lanka, Brasil, Panamá, Madagascar, Vietnam, Noruega ou Indonesia. A mostra, de entrada libre e de balde, poderase contemplar Sala de Exposicións da Casa da Cultura Manuel María de Barbadás do 2 de decembro de 2021 ao 2 de xaneiro de 2022, en horario de luns a venres de 08.30 a 14.30 horas e de 16.00 a 20.00 horas.

Esta colaboración é parte do proxecto «Corrente cultural», que considera a arte como un instrumento imprescindible para fomentar o coñecemento e o desenvolvemento colectivo. Grazas a este proxecto, Afundación, a Obra Social de ABANCA, impulsa a capilaridade da cultura en Galicia, ampliando a oferta artística alén das súas sedes e trasladándoa ás vilas galegas para desenvolver tamén nelas as actividades da entidade.