O Carballiño suma 10 contaxios ata un total de 107 casos activos

A comarca do Carballiño rexistra hoxe 124 contaxiados. A capitalidade da comarca, o concello do Carballiño, sobe 10 contaxios, ata os 107 casos activos. Maside baixa dos 5 ós 7 contaxios. San Cristovo de Cea sobe un caso ata os catro contaxios. O Irixo sobe un caso ata os tres contaxios. San Amaro  e Boborás contan con dous casos activos cada un deles. E Piñor conta cun caso activo.

No Ribeiro, Ribadavia sobe nove casos ata os 33 contaxiados. Carballeda de Avia sobe sete casos ata os 13 contaxios. Melón mantén 11 positivos. Leiro mantén seis casos activos. Cortegada duplica a cifra ata os catro contaxios. Cenlle e Castrelo de Miño contan con tres casos cada un deles. Beade e Avión contan con dous contaxios cada un deles.

AVANTAR ACTIVIDADES

A comunidade galega rexistra hoxe 670 contaxios, un ritmo de novos positivos que se mantén estable. O número de casos activos de coronavirus en Galicia a día de hoxe é de 9.028, máis de dous milleiros nesta fin de semana. A ocupación das camas dos hospitais increméntase. Do total de pacientes positivos en Galicia, 35 (-1) están en UCI e 211 (+50) en unidades de hospitalización.

A Área Sanitaria de Ourense, Verín e O Barco de Valdeorras hoxe rexistra 158 contaxios novos, e restando as altas, os casos totais chegan ata os 2.241 casos activos, 428 casos máis nesta fin de semana. Os hospitais hoxe presentan 66 (+17) persoas hospitalizadas en planta nos tres hospitais da provincia; e 7 (+1)  na UCI.