A Reportaxe: Sexto ano de tradición do Belén de gran tamaño de Maside

O antigo colexio de Maside alberga por sexto ano consecutivo o seu xa tradicional belén xigante. E non é para menos, xa que a pesar de estar un pouco reducido a causa da situación sanitaria, para garantir as distancias, conta con 90 metros cadrados de creacións.

Como cada ano, María Jesús Nóvoa, a súa creadora, incorpora decoracións novas. Ademais, facendo un guiño ós diferentes oficios, pero tamén con recreacións de tendas tradicionais que coñecidas por todos tanto de Maside coma do Carballiño.

AVANTAR ACTIVIDADES

Ademais, levar a cabo esta impresionante creación non é traballo sinxelo. Dende que se pecha ó público o 6 de xaneiro, María Jesús recolle o belén, e 15 días máis tarde comeza a traballar xa no do próximo ano.

Recordamos que se pode visitar ata o próximo día 6 de xaneiro, en horario de tarde, das 16:00 horas ata as 19:00 horas. A súa creadora convida a todos a desfrutar del.

María Jesús Nóvoa, ademais de crear este increíble belén, tamén adica o seu tempo libre a facer maquetas, algunhas delas de edificios emblemáticos do concello, como xa lles ensinamos o pasado ano. Para este ano finalizou ca maqueta da Casa Cuartel de Maside, un edificio que xa non está en pé.


VIDEO SPOT MASIDE en BADAL TV