Cartelle organiza co apoio da Deputación o II Maratón de Fútbol Sala Feminino

-11.00 horas: Presentación do II Maratón de Fútbol Sala Feminino de Cartelle.- O presidente da Deputación, Manuel Baltar, participa na presentación da II Maratón de Fútbol Sala Feminino de Cartelle. Lugar: Sala de Prensa da Deputación. A presentación poderá seguirse en directo a través da web da Deputación. Tamén participan na presentaicón Jaime Sousa Seara (Alcalde de Cartelle), Jose Ángel Valiñas Vázquez "Tafa" (Xerente de Tafa Sport) e as xugadoras co Cartelle Futbol-Sala Feminino, Ariazna Feijoo Crespo, Silvia Barranco Outeiriño e Alba Losada Nanín.
IES CHAMOSO LAMAS

Na presentación do evento, Manuel Baltar enmarcou esta maratón “na aposta que desde os últimos anos estamos a facer desde o goberno provincial polo deporte feminino”

O alcalde Jaime Sousa agradeceu o apoio da Deputación para unha competición “que ten a súa razón de ser no Cartelle Fútbol Sala Feminino”

HIPER MASIDE

Un total de 24 equipos de Galicia, Cataluña, Andalucía, Castela e León e Portugal xogarán do 8 ao 10 de xullo unha competición dotada con 6.000 euros para o primeiro clasificado. Dende a organización explican que este torneo é o máis importante do mundo deste deporte en dotación económica

O pavillón de deportes Piño Vilachá, de Outomuro, en Cartelle, acollerá do 8 ao 10 de xullo o II Maratón de Fútbol Sala Feminino. A cita deportiva foi presentada esta mañá no Pazo Provincial polo presidente da Deputación, Manuel Baltar; o alcalde de Cartelle, Jaime Sousa; e o responsable de Taffa Sport, José Ángel Baliñas, entidade organizadora do evento xunto co Concello e o apoio da institución provincial. Na presentación deste torneo, segundo a organización o máis importante en premios do mundo neste deporte cunha dotación de 6.000 euros para o equipo campión, tamén estiveron as xogadoras do Cartelle FS Silvia Bardanca, Ariadna Feijóo e Alba Losada.

Manuel Baltar enmarcou este maratón “na aposta que desde os últimos anos estamos a facer desde o goberno provincial polo deporte feminino”, como a Copa da Súa Maxestade a Raíña de Fútbol Sala que se disputará no Pazo dos Deportes Paco Paz de Ourense do 6 ao 8 de maio. Agora, dixo, “tamén podemos comprobar a capacidade organizativa do Concello, ao que desexo que converta o torneo nunha cita imprescindible e atractiva, non só pola contía económica do premio, senón tamén pola calidade dos equipos”

Jaime Sousa agradeceu o apoio da Deputación para celebrar unha maratón “que ten a súa razón de ser no Cartelle Fútbol Sala Feminino, unha afección que xa o pasado ano nos motivou para organizar o primeiro torneo internacional desta categoría”.

“Van ser case 24 horas ininterrompidas de competición”, dixo José Ángel Baliñas antes de explicar os detalles dun torneo que cun máximo de 24 equipos xa conta con 21 inscricións, destacando 11 equipos de Portugal e conxuntos procedentes das comunidades de Cataluña, Andalucía e Castela e León, ademais de Galicia.  A organización espera reunir a máis de 300 xogadoras, que disporán de toda a loxística necesaria grazas ás instalacións de acampada do Mundil.

A competición organizarase en 8 grupos de tres equipos cada un, dos que os dous primeiros pasarán ás seguintes fases, estando previsto que se dispute a final o domingo 10 de xullo ás seis da tarde. Tamén xogarase unha fase de consolación. O equipo campión obterá un premio de 6.000 euros, 1.000 o segundo clasificado e 500 o terceiro.