COMUNICADO DE ASDIFICA
Dende Asdifica queremos poñer en coñecemento dos medios a situación vivida por unha das nosas traballadoras. Debido a unha recente entrevista na que a nosa voceira expresaba a nosa situación respecto ó local polo que levamos anos esperando e pregando axuda ó concello, o pasado martes 22 de novembro, unha persoa do grupo de goberno acudeu ó posto de traballo dunha das nosas compañeiras para increparlle polo que dixera na entrevista, alegando que iso non é certo, que xa tiñamos local e que se retractase do que dixo.
A verdade de todo isto é que temos un local apalabrado e en proxecto, pero aínda non temos ningún papel oficial, polo que a nosa traballadora se mostrou disconforme a retractarse, xa que non dixera nada que non fose certo. Nese momento dita persoa con moi malas formas preguntoulle quen se creía que era ela, ó que a nosa traballadora respondeu pedíndolle que fixera o favor de abandonar a nosa oficina.
Dita persoa negouse a marchar respaldándose no seu cargo no concello e exhibindo unha prepotencia e chulería indebidas nun cargo municipal.
Dende a directiva esiximos que pida desculpas e que a partir de agora calquera comunicación ca asociación se faga por escrito directamente con algún membro da directiva.
Manifestamos todo o noso apoio á nosa compañeira
