O Sporting Carballiño recibiu ó Loñoá na casa, co campo da Uceira. O encontro saldouse cun empate a ceros, sumando un punto que os mantén no terceiro posto neste comezo da segunda volta. Para os de Mindo Surribas esta tempada está indo moi ben, sobre todo cunha primeira volta na que anotaron dez vitorias seguidas e agora no terceiro posto da táboa queren loitar por xogar a promoción de ascenso.
O seu presidente, Jordi González, subscribe estas palabras e reforza a visión do seu equipo esta tempada. Salvo algún escollo como foi o Allariz, os rapaces están competindo e facendo sufrir ós seus rivais.
