De acordo co disposto nos artigos 17.3.b e 20.8.a da Lei 38/2003, do 17 de novembro, xeral de subvencións, publícase o extracto da convocatoria, cuxo texto completo se pode atopar na Base de Datos Nacional de Subvencións:
(https://www.infosubvenciones.es/bdnstrans/GE/es/convocatoria/706478)
- Obxectivo do concurso
O presente concurso ten como finalidade seleccionar o deseño
dunha camiseta con motivo da Festa do Pulpo 2023, e así seguir
incentivando a participación da mocidade na Festa do Pulpo.
O deseño pode estar creado a base de debuxos, imaxes, tipografías, palabras, frases, número ou calquera outro elemento
gráfico, e poderá ser impreso sobre unha camiseta de calquera
cor, na súa parte dianteira ou traseira ou en ambas. - Beneficiarios
A participación está aberta a todos os colectivos (asociacións
xuvenís, culturais, veciñais, etc.; grupos, cuadrillas, colexios…) que o desexen, sen límite de idade sempre que o/a responsable da agrupación sexa maior de idade. - Crédito orzamentario e premios
Establécese un único premio ao mellor deseño dotado con 200
euros para a camiseta que maior número de votos reciba; o
resto de camisetas que cumpran os requisitos das bases expostas recibirán unha compensación por importe de 60 euros cada
unha. No caso de que se esgote o crédito debido ao número de
inscricións, quedarán sen a compensación de 60 euros as que
realizasen a súa inscrición máis tarde. - Prazo e presentación de solicitudes e documentación
As inscricións deberanse recoller no Departamento de Cultura
do Concello, e presentarse no Rexistro municipal desde o día
seguinte ao da publicación do extracto da presente convocatoria no BOP, tras a comunicación efectuada para o efecto na
Base de Datos Nacional de Subvencións (BDNS), e ata o día 9 de
agosto de 2023, en horario de oficina (de 9.00 a 14.00 horas).
Para calquera consulta, poderán chamar ao teléfono 988 530
007, (extensión 329) ou 662 198 615.
O Carballiño, 3 de xullo de 2023. O alcalde
