O ‘Festival de Habaneras’ acada este sábado a súa 29ª edición da man do Orfeón do Carballiño, cunha emotiva homenaxe ao que fora seu director durante os seus primeiros anos de andaina, José Luis Reza Cabano.
O evento terá lugar dende as 8,30 da tarde no Auditorio Manuel María, e contará coa participación da coral polifónica de Teis-Vigo, da rondalla Alfaia de Cenlle e da agrupación musical anfitriona. A organización do evento editou un libro coas composicións máis destacadas de Reza Cabano e que foi presentado hoxe na Casa do Concello, coa participación do propio José Luis Reza; os editores da publicación, Enrique Mourille e Carlos Núñez, e o concelleiro de Cultura, Diego Fernández:
