A Asociación O Potiños presentou esta mañá unha nova edición do seu concurso de fotografía con temática libre de cada verán. Conta ca colaboración do concello do Carballiño e do Centro Comercial Aberto, quenes contribuirán tamén cos premios para as mellores fotografías.
Ata o vindeiro 15 de agosto, data límite, todas as persoas maiores de 14 anos poden participar con ata tres fotografías. As bases completas están para a súa consulta nas redes sociais da asociación e tamén na súa páxina web. O tema das imaxes será libre, pero non poderán ter sido publicadas previamente, nin presentadas a outro certame. O presidente da entidade cultural, Manuel Blanco, asegurou que en pasadas edicións chegaron fotografías de moitos puntos, incluso de fóra de España.
