A Axencia de Doazón de Órganos e Sangue lembra a necesidade de doar sangue nos días previos á fin de semana longa de xullo, xa que cada día son necesarias entre 400 e 500 doazóns de sangue para posibilitar o desenvolvemento do intenso labor asistencial dos hospitais galegos.
Ao longo desta semana, as unidades móbiles de ADOS están a realizar campañas de doazón de sangue en máis de 30 concellos co obxectivo de facilitar o acceso ao xesto solidario da doazón ao maior número de cidadáns.
ADOS quere destacar a importancia de aumentar a participación nas campañas de doazón de sangue nos meses de verán, período especialmente sensible, xa que os meses de verán presentan dificultades engadidas para manter un volume estable de doazóns necesarios para manter o intenso labor asistencial dos hospitais galegos.
