Aínda que hai distintas versións sobre quen foi o que tivo a idea de facer a primeira Festa do Pulpo hai coincidencia que os ideólogos foron Ramón Valeiras, Felipe Luis López e Luis Padrón (Periodista, sobriño de don Evaristo).
Felipe Senén ( fillo de Felipe Luis López ) comentou o seguinte : “Era época franquista, máis a festa naceu como un apéndice , como romaría das Festas Maiores do Setembro (1964), aberta a todos, mesmo organizada por iles e servida por familiares, eu mesmo, o Penedo, fillos de concellais e empregados do Concello. Argimiro Marnotes de 1977 -1991, impulsaría máis a festa.
Certo que o Parque sempre se usou pra merendas, comidas de grupos….pero a festa como tal aparece no programa de festas do 1964, onde FelipeLuis Lopez, tiña unha parte escenográfica e organizativa importante.”
Polas crónicas do periodico ” La Noche ” podemos ver a información sobre a primeira Festa do Pulpo
( Para ver o arquivo en Pdf Premer na Imaxe )
Felipe Senén fixonos chegar recortes da ” Región ” dando conta do evento
( Para ver o arquivo en Pdf Premer na Imaxe )
Por motivos desconocidos a Festa non se pudo celebrar o día 17 de setembro ( xoves ) e pasouse para o domingo día 20 tal como se reflexa nas páxinas do xornal “La Noche” ( este material foi cedido por Delio Pousa quen o conseguiu na biblioteca dixital “Galiciana” )
( Para ver o arquivo en Pdf Premer na Imaxe )
No programa de Festas de 1964 xa aparece o día 20 como celebración da primeira Festa do Pulpo tal como se reflexa nas páxinas do xornal “La Región” ( este material foi cedido por Delio Pousa quen o conseguiu na biblioteca dixital “Galiciana” )
( Para ver o arquivo en Pdf Premer na Imaxe )
II FESTA DO PULPO ( 12 de setembro de 1965 )
A II Festa do Pulpo celebrouse o día 12 de setembro e foi adicada a Ourense. O prezo da comida foi de 125 pesetas e o menú consistiu en :
Lacón cocido.
Pulpo ” o noso xeito ” ( Arcos )
Cachelos.
Empanada de ánguilas
Pan de Cea
Queixo da nabiza
Pavias
Viño tinto de Cabanelas
Café e aguardente do pais.
O 10 de setembro de 1965 aparece esta información no xornal ” La Noche “ ( este material foi cedido por Delio Pousa quen o conseguiu na biblioteca dixital “Galiciana” )
( Para ver o arquivo en Pdf Premer na Imaxe )
Nunha entrevista que lle fixo “A Voz de Galicia ” a un dos fundadores da Festa, Felipe Luis López no ano 1994 conta anecdotas da mesma e sobre todo dos carteis da mesma xa que el foi durante moitos anos o seu creador. Unha vez falecido tomou o relevo o seu fillo Felipe Senén
ENTREVISTA a FELIPE LUIS LÓPEZ
Nunha crónica publicada na Voz de Galicia o 15 de agosto de 2001 a periodista Susana Pérez comenta circunstancias do nacemento da festa
ARQUIVO
No final da crónica Susana Pérez comenta ” Muchas han sido las anécdotas, entre las que destaca el año que se adelantó la edición por un error de impresión del cartel “
Efectivamente. Se a primeira festa foi no ano 1964 neste 2023 tocaria a edición 60 e non a 61 como estaba anunciada.
O que sucedeu foi que no ano 1994 celebrouse como lle correspondia a edición nº 31, pero o seguinte ano 1995 celebrouse a edición nº 33 . A causa desto foi un erro na impresión do cartel. O caso é que non se modificou e asi quedaron as cousas.
Unha proposta poderia ser a recuperación cando as condicións o permitan da edición nº 32 que non se celebrou.
