CxG de Punxín convoca un pleno extraordinario co apoio do PSOE para pedir explicacións ó alcalde

O voceiro de Compromiso por Galicia convocou un pleno extraordinario co apoio do Partido Socialista. Toma esta decisión logo de que o alcalde se negara a convocar el mesmo o pleno e recorrese ó silencio, segundo afirma o voceiro, Eladio Fernández. Recordou esta mañá en rolda de prensa que o motivo é a explicación da vulneración da legalidade urbanística por parte do rexedor no seu proxecto de reforma da súa casa.

Eladio Fernández asegura que esta non é primeira problemática que reclaman, xa que afirma que nos tres anos que van de goberno non reciben resposta ós escritos e critican a súa postura de silencio nos plenos. O voceiro informou hoxe á Valedora do Pobo desta falla de información.

AVANTAR ACTIVIDADES

A última das reclamación feitas por Compromiso por Galicia refírese ó censo. Aseguran que non está actualizado e que segundo eles, preto do 30% é irreal e acusan ó goberno de aproveitarse diso para as eleccións.