Hosteleros e comerciantes do barrio de San Ramón do Carballiño organizaron un ano máis as festas na honra do seu patrón os pasados días 30 e 31 de agosto, con varias actividades musicais, deportivas e lúdicas.
Na xornada central, o sábado 31, a parroquia de San Cibrao oficiu unha misa no templo da Veracruz trala procesión do santo polo adro da igrexa ata a praza Antonio Palacios, mentres que pola noite o grupo Zeltia Irevire deu un concerto dentro do ciclo ‘Feito no Carballiño’, organizado polo Concello, e rematou o festexo coas actuacións do Trío Banarama e Dani Pardo.
