Adxudicación dos premios do concurso de microrrelatos do IEC
No día 25 de setembro de 2024, no casino do Carballiño, reuníronse os membros do Xurado do I Premio de microrrelatos, convocado polo Instituto de Estudios Carballiñeses (IEC), formado por José Luis García Rodríguez, Andrés Romarís Pais e, actuando como secretaria, Carmen Rodríguez Cabanas.
O xurado resalta a calidade e orixinalidade dos relatos presentados, así como a gran participación desta primeira convocatoria.
Lidos os relatos presentados, tras a súa lectura e deliberación, acordou conceder:
1º Premio: “O Cadillac do indiano”, de Pablo Nogueira Campo.
2º Premio: “Die Mutter”, de Alba García Moreira.
3º Premio: “O vello sen mar”, de Juan Carlos García Rodríguez.
Os premios serán entregados o próximo día 10 de outubro, no multiusos municipal Manuel María do Carballiño, onde actuará o grupo musical A Quenlla para celebrar o 25 aniversario da fundación do IEC, e ao que asistirá o alumnado dos Institutos de Ensino Secundario da Vila (IES nº 1 e IES Chamoso Lamas).
