A Policía Autonómica esclarece un incendio forestal no concello de Ourense

OURENSE, 21/07/2022.- Los fuegos forestales continúan arrasando miles de hectáreas en Galicia, que vive desde el jueves una ola incendiaria que afecta principalmente a las provincias de Ourense y Lugo. En la imagen, bomberos forestales realizan labores de extinción en un incendio forestal declarado a las afueras de la ciudad de Ourense. EFE/Brais Lorenzo

Axentes do Grupo de Investigación de Incendios da Policía Autonómica en Ourense veñen de esclarecer o incendio forestal rexistrado o 5 de setembro no concello de Ourense. O lume produciuse na parroquia de Palmés e afectou 1,45 hectáreas de superficie arborada.

O incendio produciuse ao caer unha árbore sobre un tendido de liña eléctrica. Como resultado das pescudas, tomóuselle declaración en calidade de investigada á persoa que estaba realizando a tala.

AVANTAR ACTIVIDADES

Nos labores de extinción participaron un axente, cinco brigadas, tres motobombas, catro avionetas e dous helicópteros. A Policía Autonómica remitiulle as dilixencias polos feitos ao Xulgado de Instrución de Garda de Ourense.

No que vai de ano, a Policía Autonómica leva investigadas 45 persoas como presuntas autoras de incendios forestais.

A Xunta continúa apelando á concienciación e á prudencia nos accesos e traballos en terreos agrarios de cara a evitar incendios. Así mesmo, o Goberno galego lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.