As bases da convocatoria dunha nova edición do Premio Antón Losada Diéguez foron publicadas onte no B.O.P. polo Concello do Carballiño, ao que lle corresponde no vindeiro ano a quenda da súa organización, de xeito que xa a partir de hoxe escritores, investigadores e editorais xa poden remitir os seus traballos ao rexistro municipal ata o 31 de xaneito de 2025. O certame, que acada a súa 40ª edición, está dotado cunha cantidade total de 12.000 € para premiar dúas obras xa publicadas, unha delas no eido da creación literaria e a outra no eido da investigación e ensaio, de xeito que cada unha delas recibirá 6.000 €. Os concellos do Carballiño e Boborás aportan 3.000 euros cada un, mentres a Deputación Provincial de Ourense achega os 6.000 euros restantes.
A participación no certame está aberta a tódolos autores que se axusten aos requisitos expostos nas bases, téndose en conta especialmente que “a lingua na que se editen as obras será a propia do orixinal, que inescusablemente estará escrito en lingua galega. Non será considerado ningún tipo de obras traducidas de orixinais publicados inicialmente en calquera outra lingua”.ento de concesión e entrega do Premio A entrega oficial do Premio “Antón Losada Diéguez na súa cuadraxésima edición, aos autores das obras galardoadas, tanto en creación literaria coma en investigación e ensaio, farase o día 14 de xuño de 2025, e terá lugar no transcurso dun acto literario que se celebrará no Pazo de Moldes, no municipio de Boborás, onde naceu e viviu o ilustre Antón Losada Diéguez.
