A organización das ‘XL Xornadas de Folclore’, en coordinación co Concello do Carballiño, vén de cancelar o espectáculo previsto para as 22,30 horas de hoxe na Praza da Veracruz, no contexto da situación actual de emerxencia na provincia polos incendios forestais.
Ademais, os organizadores, dacordo cos concellos afectados, tamén veñen de tomar a decisión de suspender tódolos espectáculos programados ata o luns 18 de agosto incluído.
Así, as actuacións suspendidas son as de hoxe no Carballiño; as de mañá en Xinzo de Limia e Castro Caldelas, e a de Celanova do luns, que se suma á de Trives que fora anulada onte.
O resto das actuacións na provincia mantéñense polo de agora, pendentes da evolución dos lumes en Ourense para tomar as decisi´´ons máis axeitadas.
