https://www.facebook.com/share/v/1FFGToG2Kt
Centros de persoas de diferentes puntos da provincia e do resto de Galicia achegáronse na noite de onte ata a capital do Ribeiro para asistir á inauguración do alumeado artístico de Nadal, que con preto dun millón de luces LED enchen de cor e maxia o casco histórico e que chega a novas zonas como as rúas San Martiño e Yáñez e se reforza no Castelo dos Sarmiento.
Un acto que tivo lugar na Praza Maior, coa presenza do alcalde, César Fernández, e membros da Corporación Municipal, e do conselleiro de Comercio e Emprego, José González. Ambos pediron o apoio para A Guarda, unha vila que nestes intres é unha das cinco finalistas no concurso de Ferrero Rocher que gañou Ribadavia o ano pasado, unha iniciativa que agradeceu o seu alcalde, Roberto Álvarez Carrero, que tamén acudíu ao evento.
O conselleiro José González puxo en valor a programación do Concello de Ribadavia para estas datas, en sinerxía coa segunda edición do evento Artesanía, Saber e Sabor, que se celebrará no casco histórico da vila entre os próximos 5 e o 8 de decembro, como punto de partida do proxecto pioneiro ‘Vilas Vivas’, encadrado no Plan estratéxico do comercio de Galicia 2025-2030.
O grupo Broken Peach puxo a nota musical para animar ao público a celebrar esta luminosa entrada nas festas do Nadal.
