A Real Academia Galega de Belas Artes nace no ano 1849, creadora de iniciativas e comisións de estudo, así como ensinos en prol das artes, museos, publicacións, rehabilitación e revitalización de conxuntos culturais . Órgano consultivo da administración e desde o ano 1984 institución oficial dependente da Xunta de Galicia e asociada ao Instituto de España das Academias.
Hoxe mércores 1 de abril terá lugar na Casa da Cultura de Allariz (Rúa do Castelo, s/n. Allariz) o acto principal do Día das Artes Galegas 2026 dedicado ao fotógrafo e cineasta alaricano José Suárez. Será un evento aberto ao público que comezará ás 19:00 horas no que o presidente da Academia, Manuel Quintana Martelo, inaugurará o mesmo cun discurso de benvida e, a continuación, Xurxo Lobato será o académico responsable de pronunciar a laudatio, titulada “José Suárez”. O acto pecharase coa intervención da alcaldesa de Allariz, Cristina Cid Fernández e do conselleiro de Cultura, Lingua e Xuventude da Xunta de Galicia, José López Campos que clausurará unha celebración que contará con actuación musical durante o seu transcurso.
Ademais deste acto, celebraranse durante o ano simposios, conferencias, exposicións, mesas redondas, ciclos de cinema, presentacións e reedición de publicacións, documentais, realización de cartaces, etc. todo para dar a coñecer a figura de José Suárez á sociedade.
A iniciativa desta celebración na xornada de cada 1 de abril, naceu da Academia no ano 2015, celebrando ao Mestre Mateo, quen nesa data do 1188 dirixiu a colocación dos dinteis do Pórtico da Gloria na Catedral compostelá, segundo consta nos mesmos. Na pasada edición do ano 2025 a figura homenaxeada foi o artista multidisciplinar compostelán Isaac Díaz Pardo.
OS MELLORES ESTABLECEMENTOS
A Academia Galega de Belas Artes tivo en conta para esta dedicación os seus numerosos méritos como ser considerado o fotógrafo galego máis internacional. Licenciado en Dereito pola Universidade de Salamanca. Fotógrafo e cineasta. Amigo de Miguel de Unamuno que prologou seu libro “50 fotos de Salamanca”. Influído polo pensamento da “Revista de Occidente” e as ideas artísticas das vangardas. No 1935 expón en París e Madrid. Comeza a rodar no ano 1936 o documental “Mariñeiros” interrompido polo Golpe de Estado. Exiliase na Arxentina en 1937, e ali vai traballar como realizador e director de fotografía de varios filmes.
En 1938 dirixe o filme “La mujer y el jockey”. È premiado pola fotografía no filme “Malambo” no 1942. Foi fotógrafo no xornal “La Prensa” en Bos Aires. Vive en Uruguay desde 1950 onde rexenta a libraria “El yelmo de Mambrino”. En 1956 viaxa a Xapón de correspondente de prensa. Alí namorase da cultura nipona e o teatro clásico “Noh”. Coñece ao director de cine, Akira Kurosawa co que mantivo unha boa amizade.Colabora coa revista “Life”, “US Camara”, “Vida gallega”, “Galicia emigrante”, “Atalaya”, “Ahora”, “Cinegraf”, entre outras. No 1959 volve a España, e edita un libro sobre “La Mancha” e outro sobre o mundo dos touros para unha editorial inglesa. Ilustra parte da “Historia de Galicia” de Otero Pedrayo e desde o ano 1971 participa nas tertulias do hotel Miño de Ourense onde è moi querido por Carlos Casares e o grupo dos “artistiñas”.
É autor das publicacións: “50 fotos de Salamanca” ,1932 “Nieve en la cordillera”, 1942 “La Mancha”,1965 “The Life and Death of the Fighting Bull”, 1966 “Galicia: terra, mar e xentes”, e director dos filmes “Mariñeiros” e “La mujer y el jockey”, así como director de fotografía de “Malambo”.
O “DÍA DÁS ARTES GALEGAS”
A Real Academia Galega de Belas Artes en sesión do 15 de xaneiro de 2015 determinou declarar a xornada de cada 1 de abril como “Día dás Artes Galegas”. Elección en recordo desa mesma data do ano 1188 e da que se deixa constancia en epígrafe baixo os dinteles do Pórtico da Gloria, como día no que se colocaron; tamén por canto significa o Pórtico da Gloria e o seu autor, o Mestre Mateo na arquitectura, na escultura, na pintura e mesmo na Música.
Ata o de agora os primeiros homenaxeados foron:
- 2015 Maestro Mateo
- 2016 Alfonso Daniel Rodríguez Castelao
- 2017 Maruja Mallo
- 2018 Alejandro de la Sota
- 2019 Luís Seoane
- 2020 DEDICADO ao ARQUITECTO BARROCO DOMINGO DE ANDRADE
- 2021 Debido a pandemia tamén se adica a DOMINGO DE ANDRADE
- 2022: Laxeiro
- 2023: Martín Codax
- 2024: Francisco Asorey
- 2025: Isaac Díaz Pardo
