O vindeiro sábado, 13 de xuño, terá lugar no lugar de Moldes (Boborás) a cerimonia de entrega dos XLI Premios Antón Losada Diéguez.
A xornada comezará ás 11:00 h cunha misa na Igrexa de San Mamede de Moldes. Posteriormente, ás 12:30 h, celebrarase o acto de entrega dos galardóns no Pazo de Moldes.
Nesta edición, as persoas galardoadas son:
- Cynthia Menéndez, na modalidade de Creación Literaria, pola obra Son coma glaciares os barcos de aceiro.
- Carmen V. Valiña, na modalidade de Ensaio e Investigación, pola obra As tolas que non o eran. Mulleres no Manicomio de Conxo 1885-1936.
O acto será presentado pola xornalista e reporteira de televisión Nuria Castro.
