O auditorio do Museo do Papel do Carballiño acolleu esta mañá a presentación dos resultados do Plan de Sostibilidade Turística en Destino (PSTD) que se veu desenrolando nos últimos dous anos e co obxectivo de poñer en valor as infraestruturas e mellorar a dotación de recursos cara a potenciación futura da vila do Arenteiro e a súa contorna.OO xerente de EOSA, a empresa que xestionou o plan turístico.
O acto contou coa presenza do alcalde eventual do Carballiño, José Castro-Gil, e do concelleiro de Turismo e Industria, Manuel Dacal; Adolfo Neira, xerente de EOSA, empresa xestora do plan; e de Carlos Cao e André Taboada, director de Relacións Institucionais e responsable de Contidos, respectivamente, do Real Club Celta, que presentaron o tráiler do documental «O Carballiño: pulpo á feira, sangue Celta», producido por Celta Media, a produtora do Real Club Celta de Vigo.
O plan financiouse pola Unión Europea con fondos NextGenerationEU, no marco do Plan de Recuperación, Transformación e Resiliencia, e canalizouse a través dun convenio coa Axencia de Turismo de Galicia e o Ministerio de Industria e Turismo. Segundo o balance presentado, a iniciativa pechou cun grao de execución de preto do 100 % do investimento previsto e dentro do prazo establecido, cumprindo os obxectivos marcados.
Un plan que supuxo un investimento de 1 millón de euros na execución de proxectos destacados, como foron, entre outros, a instalación dun novo alumeado no templo e praza da Veracruz; a ampliación da senda fluvial entre Ponte Veiga e O Bañiño de Arcos; a reconstrucción do muíño e da maquinaria do futuro Museo do Papel de Galicia; a reposición da cuberta das pallozas do cámping municipal, e a creación do ‘Club de produto enogastronómico do Carballiño’, no que están implicados comerciantes, hostaleiros e pulpeiras.
