A obra, que conta cunha ilustración de portada que reflicte a esencia do rural galego —cun hórreo, unha parella de bois arando, espigas de trigo e un cesto de vimbio—, supón un exhaustivo traballo de recompilación do patrimonio lingüístico e etnográfico da zona.
O libro recolle os termos, ferramentas, oficios e expresións vinculadas á agricultura e á vida no campo que foron transmitidas de xeración en xeración na contorna de Beariz, moitas delas en risco de desaparición. A presentación será unha boa oportunidade para achegarse á historia e ás tradicións locais a través da súa linguaxe.
Dende a organización convídase a toda a veciñanza, así como a calquera persoa interesada na cultura, a etnografía e as tradicións do interior de Ourense, a asistir a este acto de entrada libre.
DATOS DO EVENTO :
- Que: Presentación do libro Léxico agrícola de Beariz.
- Autor: Manuel Prado López.
- Cando: Sábado, 7 de novembro, ás 19:00 horas.
- Onde: Antiga Rectoral de Beariz.
- Organiza: Cemit Beariz.
