O Concello do Carballiño vén de adquirir maquinaria forestal lixeira agrícola destinada a reforzar os traballos de prevención de incendios no municipio. O novo equipo inclúe desbrozadoras, podadora en altura e sopladores destinados a limpar vías e camiños. “A nova maquinaria permitirá mellorar os traballos de prevención de incendios forestais que realizamos durante todo o ano”, explica José Castro-Gil, alcalde en funcións.
A compra dos novos equipamentos supuxo un investimento de máis de 22.000 euros, dos que o 60% foron aportados pola Xunta a través dos fondos Feder e o resto foi aportado polo propio Concello carballiñés.
