O Carballiño comezou a celebración do Entroido por todo o alto, e fíxoo estreando unha novidade: o venres de comadres e compadres. A Praza Maior acolleu unha disco móbil para amenizar esta festa, na que premiou a orixinalidade desa primeira noite. Houbo que facer fronte á choiva e animárse a sacar os seus disfraces para participar no concurso no que os premios foron doados pola hostalaría local para apoiar esta iniciativa, que chegou para quedarse en anos próximos.
Xa durante a fin de semana, foi a quenda dos máis pequenos, que tiveron todo o sábado unha festa de entroido infantil. Comezaron por un obradoiro de máscaras e complementos, unha batucada e como non podía ser doutro xeito tamén tiveron o seu propio concurso de disfraces. Este foi so o aperitivo, porque a semana comeza chea de actividades para todas as idades, entre elas o desfile de comparsas mañá martes.
