San Amaro, setembro de 2025. – O vindeiro sábado 20 de setembro de 2025, o Castro de San Cibrán de Las (San Amaro – Ourense) converterase de novo nun epicentro da historia viva co IV Festival Celta de San Amaro, unha cita única que reivindica a cultura castrexa e rende homenaxe a un dos seus grandes impulsores: o druída Víctor Gulías.
Organizado por Dar Trela co apoio do Concello de San Amaro, este evento contará cunha ampla programación de actividades culturais, gastronómicas e musicais, pensadas para todas as idades e para toda a veciñanza e visitantes que queiran mergullarse no noso pasado celta.Programa do IV Festival Celta de San Amaro
🕛 12:30 h – Benvida do Druída
- Entrada ao castro.
- Música ancestral ao longo da mañá a cargo dun quintento.
🍲 12:45 h – Degustacións gastronómicas
- Elaboración e degustación de gastronomía castrexa.
🎭 13:30 h – “Peleixa entre a Lúa e o Ferro”
- Representación teatral de Dar Trela Teatro sobre o liderado do castro.
🥘 14:30 h – Xantar Popular: Romaría no Castro
- Empanada e carne ao caldeiro.
- Cada persoa pode traer comida libremente.
🎶 16:00 – 17:00 h – Sobremesa Musical
- Actuación do grupo Kaltë na zona do xantar.
🛡️ 17:00 h – Demostración de artesanía castrexa
- Patronaxe de roupa castrexa.
- Tiro con arco/pichón.
- Actividades infantís: deseño e pintura de escudo castrexo.
- Xogos de habilidade.
- Adornos galaicos.
- Actividade infantil a cargo do persoal do castro.
📚 18:30 h – Segredos do Castro
- Felipe Senén e Xurxo Souto.
🌅 20:30 h – Oración ao Sol
- Dar Trela Teatro e sorpresa final.
🥓 21:00 h – Degustación de Porco Celta
🎵 22:00 h – Concertos de peche
- Gabi Reboredo.
- Zeltia.
Unha homenaxe ao druída Víctor Gulías
Nesta edición, o festival terá un momento moi especial: a homenaxe ao druída Víctor Gulías, precursor desta celebración. A súa visión e traballo deixaron unha fonda pegada, e este festival dá continuidade ao seu legado, mantendo vivo o espírito castrexo no corazón da nosa terra.
Información práctica
📍 Lugar: Castro de San Cibrán de Las – San Amaro (Ourense)
🗓 Data: Sábado, 20 de setembro de 2025
⏰ Hora de inicio: 12:30 h
Organizan: Concello de San Amaro & Dar Trela
Colaboran: Xunta de Galicia, Tir Na N’Og Recreación Histórica, Terra Copora, Deputación de Ourense
