Suspéndense as clases e o transporte escolar toda a xornada de hoe nos centros educativos e escolas infantís do interior de Pontevedra
Suspéndese ademais a actividade no exterior nos centros educativos e a actividade deportiva federada e do programa Xogade no noroeste, sur e Miño de Ourense pola alerta laranxa por chuvia
Tamén se suspende a actividade deportiva no mar polo temporal costeiro nos concellos afectados pola alerta laranxa en todo o litoral galego
Incídese na importancia de seguir as medidas de protección e de extremar as precaucións, e aconséllase consultar a páxina web do CIAE 112 (www.axega112.gal)
Co fin de garantir a seguridade dos bens e as persoas, o Goberno galego informou da situación aos concellos da provincias afectadas; deputacións, servizos provinciais e agrupacións de voluntarios de Protección Civil e aos clubs náuticos, entre outros
Santiago de Compostela, 25 de xaneiro de 2025
A Xunta vén de activar para mañá a alerta vermella por chuvias no interior de Pontevedra e laranxa no noroeste, sur e zona do Miño de Ourense. Tamén haberá alerta laranxa por temporal costeiro en todo o litoral galego.
Co fin de garantir a seguridade dos bens e as persoas, a Dirección Xeral de Emerxencias e Interior, da Consellería de Presidencia, Xustiza e Deportes, informou da situación a través do Centro Integrado de Atención ás Emerxencias 112 Galicia aos concellos da provincias afectadas; deputacións, servizos provinciais e agrupacións de voluntarios de Protección Civil e aos clubs náuticos, entre outros. Ademais, o 112 advirte de que durante a activación da alerta vermella é recomendable activar o Plan de Emerxencia Municipal do concello (PEMU) ou o Plan de Acción Municipal (PAM) ante inundacións no caso de telo.
Segundo os organismos predictores a alerta vermella actívase por precipitación acumulada que pode acadar os 150 mm. en 12 horas e no noroeste, sur e zona do Miño de Ourense 80 mm en 12 horas por alerta laranxa. Ante as fortes chuvias recoméndase circular con precaución e informarse antes do estado das estradas, non atravesar zonas inundadas ou que poidan chegar a asolagarse e non aparcar nas ribeiras dos ríos.
Debido á alerta vermella por choiva, a Comisión Escolar de Alertas decidiu suspender as clases e o transporte durante toda a xornada de mañá, luns 26, nos centros educativos e nas escolas infantís da zona Interior de Pontevedra.
Así mesmo, debido á alerta laranxa por choiva, no día de mañá quedan suspendidas as actividades no exterior dos centros educativos en tres zonas da provincia de Ourense: Noroeste, Miño e Sur.
OS MELLORES ESTABLECEMENTOS
Os concellos afectados polas distintas suspensións poden consultarse no portal educativo.
Do mesmo xeito, a Secretaría Xeral para o Deporte da Consellería de Presidencia, Xustiza e Deportes, segundo as previsións dos órganos preditores, anunciou a suspensión da actividade deportiva federada e as do programa Xogade que se realicen mañá no exterior nestas zonas. Os municipios e os horarios afectados poden consultarse na web Deporte Galego.
Continúa ademais a alerta laranxa por temporal costeiro en todo o litoral galego. Mantense polo tanto a suspensión da actividade deportiva no mar.
A Xunta lembra a importancia de manterse afastado da liña de costa, isto é, diques, rompentes e paseos marítimos. Tamén que se extremen as medidas de seguridade á hora de realizar calquera actividade no mar e que se revisen os cabos e amarres das embarcacións.
Aconséllase consultar a páxina web do CIAE 112 (www.axega112.gal), que conta con información meteorolóxica e con ligazóns de interese.
ACTA DA REUNIÓN DA COMISIÓN ESCOLAR DE ALERTAS DO 25 DE XANEIRO DE 2026
A Comisión Escolar de Alertas reúnese o domingo, 25 de xaneiro de 2026 ás 12:30 horas, coa asistencia dos representantes dos seguintes órganos:
- Dirección Xeral de Emerxencias e Interior
- Axencia Galega de Emerxencias (Axega)
- Dirección Xeral de Enerxías Renovables e Cambio Climático (Subdirección
Xeral de Meteoroloxía e Cambio Climático) - Dirección Xeral de Centros e Recursos Humanos da Consellería de
Educación, Ciencia, Universidades e Formación Profesional - Secretaría Xeral Técnica da Consellería de Educación, Ciencia,
Universidades e Formación Profesional - Dirección Xeral de Mobilidade
- Dirección Xeral de Familia, Infancia e Dinamización Demográfica
A AEMET e Meteogalicia informan dun fenómeno meteorolóxico adverso de nivel
VERMELLO por CHUVIA ACUMULADA EN 12H en Pontevedra (Interior), e de nivel
LARANXA por CHUVIA ACUMULADA en Ourense (Noroeste, Miño e Sur) das
08:00h do 26/01/2026 ata as 00:00 do 27/01/2026 .
Ante a devandita situación de risco, a Comisión Escolar de Alertas acordou o
seguinte:
- A SUSPENSIÓN DE CLASES E TRANSPORTE ESCOLAR na xornada do 26 de
xaneiro de 2026 na provincia de Pontevedra (Interior) segundo o Anexo
I - A SUSPENSIÓN da actividade no exterior na xornada do 26 xaneiro do
2026 en Ourense (Noroeste, Miño e Sur) segundo o Anexo II.
