Ourense, 11 de marzo de 2026.
O vicepresidente segundo da Deputación de Ourense e deputado de Deportes, César Fernández, participou no acto de entrega de balóns destinados aos clubs que toman parte na Copa Deputación de fútbol base, unha iniciativa que busca apoiar a práctica deportiva entre os máis novos e reforzar o traballo das entidades deportivas da provincia.
No marco desta colaboración repartíronse 450 balóns entre os equipos participantes: 250 destinados ás categorías de fútbol-8 (alevíns, benxamíns e prebenxamíns) e 200 para os equipos de fútbol sala base (xuvenís, cadetes, infantís, alevíns, benxamíns e prebenxamíns).
OS MELLORES ESTABLECEMENTOS
Estes balóns distribúense entre os clubs en función do número de equipos inscritos na competición, que nesta tempada contou coa participación de 123 equipos de fútbol-8 e 109 de fútbol sala, consolidándose como unha das citas máis destacadas do calendario deportivo base na provincia.
Durante o acto, César Fernández puxo en valor a importancia de apoiar o deporte formativo, destacando que iniciativas como esta contribúen a facilitar recursos aos clubs e a fomentar valores como o compañeirismo, o esforzo e o traballo en equipo entre a mocidade ourensá.
