Pasadas as 9,00 horas desta mañá de martes, Nonita, a veciña da localidade de A Gaime, en San Amaro, era localizada polos equipos mobilizados na comarca para a súa busca dende a medianoite de onte, luns, coincidindo coa alerta de desaparición emitida dende o Servizo de Urxencias 112.
Veciños, voluntarios de Protección Civil, axentes da Garda Civil e persoal do Servizo Municipal de Emerxencias do Carballiño desprazado ata San Amaro, entre outros, integraron o operativo despregado dende as 00,00 horas de hoxe, que, finalmente, atopou a Nonita nunha zona boscosa na contorna da súa residencia hbitual. Esta veciña fora vista por última vez ás 19,00 horas de onte.
OS MELLORES ESTABLECEMENTOS
Tras ser trasladada ao Centro de Saúde do Carballiño para unha revisión, a muller foi levada ao seu domicilio de A Gaime, ao non serlle detectado ningún dano ou problema médico.
