O Carballiño, 1 de outubro de 2026
O Museo da Fábrica de Papel do Carballiño, integrado no Parque Etnográfico do Arenteiro, recibiu a numerosos visitantes nos seus primeiros días de actividade. O espazo, que abriu as súas portas ao público o pasado venres, permite realizar un percorrido pola historia da pioneira industria do papel do Carballiño da primeira metade do século XIX.
Entre os visitantes, un dos grupos máis numerosos proviña de Madrid. Os preto de medio cento de turistas desfrutaron moito do paseo guiado polas instalacións, no que coñeceron a técnica de fabricación do papel a partir de trapos ou o funcionamento dos antigos muíños, entre outras curiosidades.
O horario das instalacións é de mércores a domingo, de 10,00 a 14,00 horas e de 16,00 a 18,00 horas. As visitas guiadas son ás 11,30 e 16,30 horas.
