A Agrupación Teatral Dar Trela anuncia que o 9 de outubro e durante todas as fins de semana (venres e sábados) do mes de outubro, a súa montaxe “Asasinato no Muíño” volverá ao Parque Etnográfico do Río Arenteiro, coas súas doses de suspense e intriga a través dun xogo teatral interactivo e dinámico.
As representacións serán ás 20:00 horas no Muíño do Anxo, baixo reserva previa —vía WhatsApp— nos números 645167278 / 600829089, xa que as sesións teñen un aforo limitado e un custe de 8 euros. Espectáculo non recomendado para menores de 12 anos.
As funcións dos meses de verán saldáronse con cheos de público en todas as funcións e con moi boas sensacións por parte dos asistentes.
Lembrar, así mesmo, que a compañía teatral carballiñesa acadou 3 premios na recente convocatoria dos galardóns da FETEAGAL, entre eles o de mellor espectáculo coa súa obra “Cabaret Dar Trela”.
