O HUMORISTA LEO BASSI ESTARÁ O SÁBADO POR PRIMEIRA VEZ NO AUDITORIO MUNICIPAL DO CARBALLIÑO CO SEU ESPECTÁCULO “THE BEST OF LEO BASSI”
Leo Bassi fai parada no Carballiño dentro do ciclo de monólogos Carballiño Comedy, para presentarnos, The Best of Leo Bassi, espectáculo que reúne os mellores números deste clown nos últimos anos, verdadeiros clásicos nos que vemos ao Bassi máis divertido e mordaz e ao que máis xoga e relaciónase co público, parte principal do seu espectáculo.
Nova obra en que Leo Bassi repasa o mellor da súa carreira, nun espectáculo de aproximadamente unha hora e media de duración no que que poderemos gozar con este herdeiro dunha estirpe de pallasos, que fixo da risa unha arma pacífica para o cambio social e político.
As relixións, a banca, a política, o capitalismo… Nada se escapa á crítica do pallaso italiano, máximo representante dunha arte que, libre de convencións, ofrece á audiencia unha experiencia apaixonante, sensacional, onde a provocación é unha linguaxe e non un propósito.
Máis aló do personaxe televisivo que nos fixo enfrontarnos a unha provocación constante, está un cómico de raza, un pallaso clásico e un actor que segue traballando en favor dunha comedia distinta, explosiva e sinistra, provocadora e fugaz. Militante desvergonzado dun exército de risas constantes, fixo da provocación a súa única arma de supervivencia, así se enfronta a desafíos persoais, case sen límites, cos que atravesar calquera barreira, por moi imposible ou desagradable que poida resultar. E é que falar de Leo Bassi é facelo con sorpresa, mesmo con certo medo, nunca sabes que vas atopar nos seus espectáculos, sempre cambiantes, sempre ao servizo do espectador, quizais aí é onde está a clave do seu éxito.
Caracterízase por un estilo provocador, e de denuncia social. Bassi se autodefine como bufón. Traballou como actor en obras teatrais e películas, como presentador de eventos, e tamén interveu en distintos programas de entretemento en tv, de máxima audiencia. Á parte dos espectáculos teatrais creados por el, organiza performances e actos teatralizados destinados a denunciar feitos políticos e culturais desde un enfoque cómico.
Artista: LEO BASSI
O CARBALLIÑO
Cando: Sábado 15 febrero
Hora: 21h.
Onde: Auditorio Manuel María Entradas: woutick.es e Restaurante Comonacasa
