Feira do Stock, que se Celebra Esta Fin de Semana no Carballiño

GRANDES DESCONTOS, SORTEO DE VALES DE COMPRA E ACTIVIDADES DE ANIMACIÓN INFANTIL, PRINCIPAIS RECLAMOS DA 16 FEIRA DO STOCK, QUE SE CELEBRA ESTA FIN DE SEMANA NUNHA CARPA INSTALADA NA PRAZA MAIOR

Once establecementos de todos os sectores comerciais ofertarán nesta fin de semana os restos do remate da tempada de inverno, durante a 16 Feira do Stock, que organiza o Centro Comercial Aberto, e que foi presentada este mediodía pola concelleira de Comercio, Silvia Baranda, e a xerente do CCA, Noelia Mares.

O evento celebrarase o venres 6, o sábado 7 e o domingo 8, nunha carpa instalada na Praza Maior, e será inaugurada o venres ás 17,00 h. Os horarios de apertura serán: venres, de 17,00 a 21,00 h, e sábado e domingo, de 11,00 a 14,00 e de 17,00 a 21,00 h.

Publicidade Premer na Imaxe

Como incentivo, haberá grandes descontos de ata un 90%, e a posibilidade de entrar nun sorteo de vales de compra por valor de 200 euros, en vinte vales de 10 euros. Este sorteo terá lugar o domingo ás 21,00 h.

Así mesmo, o sábado e o domingo pola tarde están programadas diversas actividades de animación infantil, que correrán a cargo de Tempo Libre Máxico.

Na feira estará representada unha gran gama dos sectores comerciais, como moda infantil e xuvenil, moda home, moda muller, zapaterías, librerías, etc.

Unha gran carpa translúcida, que ocupa todo o espazo da parte central da Praza Maior, acollerá aos stands participantes, en previsión de que se podan producir chuvias durante a celebración do evento.

Silvia Baranda dixo que o obxectivo da feira era incentivar as compras no comercio local, e que por eso animaba á veciñanza a visitar os stands. Amosou unha vez máis o apoio do concello ao comercio da vila, e desexou o mesmo éxito que na última edición.