O concello do Carballiño ven de habilitar dous números de teléfono para que os autónomos e empresarios podan efectuar consultas e pedir información acerca das axudas, normativas e outras circunstancias que atinxan ao sector comercial e empresarial polo covid-19.
Estes teléfonos estarán atendidos por dúas orientadoras laboráis do departamento de Orientación Laboral do concello, que serán operativos de luns a venres, agás festivos, en horario de 09,00 a 14,00 h.
Os teléfonos son os seguintes:
-662920641, que será atendido por Miriam.
-617851309, que será atendido por Susana.
Esta próxima semana tamén se habilitará unha dirección de correo electrónico, que terá a mesma finalidade.
Trátase dunha inciativa enmarcada na campaña de apoio ao sector comercial, hostaleiro e empresarial do Carballiño, e que foi acordado durante as reunións celebradas estes días pasados con representantes destes sectores.