Prosigue o plan de mellora de infraestruturas con obras de asfaltado, reposición das redes de saneamento e abastecemento, beirarrúas e iluminación led na rúa Saleta
As obras da rúa Saleta, que conlevan novo asfaltado, reposición da rede de abastecemento e saneamento, beirarrúas e iluminación led, marchan a bo ritmo. Estas obras, xunto coas que se realizan nas rúas Madalena, Solana e San Benito, suporán unha mellora significativa dos viais deste barrio, cuxo estado era moi deficiente.
Trátase da primera fase dun plan de mellora de infraestruturas viarias do casco urbano e do rural do Carballiño, que afecta a máis de vinte rúas e que financia o concello con cargo ao superávit do ano 2018, por un importe global de 600.00 euros.
Ademais desta primeira fase do plan, está revisto reformar as rúas Baleares, Rioxa, País Vasco, Navarra, Aragón, Extramadura, Madrid e Cataluña, así como as rúas Beariz, Boborás, Leiro, Maside, Punxín e San Amaro; e tamén as rúas Eusebio Lorenzo e Blanco Amor; así como a iluminación con led entre O Torrón a As Caldas de Partovia. Precisamente, hai unhas semanas rematouse o asfaltado da estrada entre As Caldas e O Torrón, que se financiou mediante unha colaboración do concello coa Deputación Provincial de Ourense.
Finalmente, contémplase a renovación do saneamento da Baixada a Flores e a rúa Azucena, así como a ampliación da rotonda de Flores, en Aquilino Sánchez.
